بايقاۋعا اۋدان, قالادان 3 كاتەگوريا ء(ى كاتەگوريا – 3 جىلعا دەيىنگى ەڭەك ءوتىلى بار پسيحولوگتار, ءىى كاتەگوريا – 3-7 ارالىعىندا ەڭبەك ءوتىلى بار پسيحولوگتار, ءىىى كاتەگوريا – 7 جىلدان استام ەڭبەك ءوتىلى بار پسيحولوگتار) بويىنشا 16 پسيحولوگ قاتىستى.
الدىمەن بارلىق كاتەگوريا بويىنشا بايقاۋعا قاتىساتىن پسيحولوگتاردىڭ «مەن جانە مەنىڭ ماماندىعىم», «پسيحولوگيا – بولاشاقتىڭ ماماندىعى», «پسيحولوگ جانە مەن», «مەنىڭ كاسىبي ۇستانىمىم» تاقىرىپتارىنا جازعان ەسسە جۇمىستارى سىرتتاي قارالىپ, باعالاندى.
3 جىلعا دەيىنگى ەڭبەك ءوتىلى بار پسيحولوگتار 3 كەزەڭ بويىنشا: ء«وزىن-ءوزى تانىستىرۋ», «اۆتورلىق باعدارلامانىڭ تۇساۋكەسەرى» جانە پسيحولوگيالىق تەست تاپسىرمالارىن ورىنداۋدان سىنعا تۇسسە, 3-7 جىل ەڭبەك ءوتىلى بار پسيحولوگتار وزىندەرىن تانىستىرۋدان, پسيحولوگيادان ەلەكتيۆتى كۋرس باعدارلاماسى نەمەسە تۇزەتۋ-دامىتۋ اۆتورلىق باعدارلاماسىنىڭ تۇساۋكەسەرىن جاساۋدان جانە پسيحولوگيالىق-پەداگوگيكالىق جاعداياتتاردى شەشۋدەن سايىستى.7 جىلدان استام ەڭبەك ءوتىلى بار پسيحولوگتار «پسيحولوگ پورتفوليوسىنىڭ تۇساۋكەسەرىن» جاساپ, دامىتۋ-تۇزەتۋ تاپسىرمالارىن ورىندادى, بايقاۋعا قاتىسۋشىلار اراسىندا شەبەرلىك-سىنىپتار مەن پسيحولوگيالىق ترەنينگتەر وتكىزدى. سونداي-اق, «پسيحولوگتىڭ عاجايىپ الەمى» تاقىرىبىندا مونولوگ وقىدى.
ءار كاتەگوريا بويىنشا ءى ورىن جەڭىمپازدارى اعىمداعى جىلعى 1-3 قاراشا كۇندەرى الماتى قالاسىندا وتەتىن وتەتىن رەسپۋبليكالىق «جىلدىڭ ۇزدىك پسيحولوگى» بايقاۋىنا قاتىساتىن بولادى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
